Ka rrjedhë në median shqiptare vendimmarrja më e fundit e Komisionet të Venecias, ajo lidhur me zgjedhjet e 30 qershorit, bojkotuar nga opozita, e si pasojë dekretuar me tjetër datë nga presidenti Meta, një veprim të cilin ai e ndërrmori pa konsultë, e të cilin nuk ia njohu as mazhoranca e as faktori ndërkombëtar.
Sipas Metës, Lokalet duhej të mbaheshin në tetor.
Kështu, Komisioni i Venecias ka nxjerr draft-opinionin për zgjedhjet e 30 qershorit 2019. Sipas këtij dokumenti, zgjedhjet edhe pse u bënë me një forcë politike duke qenë se opozita bojkotoi, ishin në rrugën e duhur.
Ishte Gjykata Kushtetuese ajo që e dërgoi çështjen në “Venecia” pas padisë së Shoqatës së Bashkive, që në atë kohë drejtohej nga Voltana Ademi. Edhe Komisioni i Venecias në draft-opinion thotë se Kushtetuesja nuk ka kompetenca të gjykojë pavlefshmërinë e zgjedhjeve.
Në vendim ka dhe një qëndrim për Presidentin, i cili i shtyu zgjdhjet në tetor, edhe pse ato nuk u mbajtën.
“Presidenti nuk ka të drejtë të shtyjë zgjedhjet në kushtet e mungesës së bazës ligjore; në këto raste Gjykata Kushtetuese mund të konsiderojë shtyrjen e zgjedhjeve si antikushtetuese”, thotë Venecia.
Për bojkotin e opozitës dhe partive të tjera opozitare, qartësisht thuhet se “bojkoti nuk mund të kthehet në leve të partive për të bllokuar zgjedhjet.”/tesheshi.com/
