Kryeministri britanik Boris Johnson u shtrua në spital të dielën natën për teste, pasi simptomat e tij të COVID-19 nuk u zvogëluan as dhjetë ditë pasi ai doli pozitiv me koronavirus.
“Me këshillën e një mjeku, Kryeministri u pranua në spital për testime,” tha Downing Street, duke përmendur se nuk ishte urgjente.
“Kjo është një masë paraprake, pasi kryeministri ka qenë simptomatik për dhjetë ditë që kur doli pozitiv”, tha qeveria britanike.
Më 27 mars, Johnson, 55 vjeç, u bë udhëheqësi i parë botëror që rezultoi i infektuar me Corona.
Ndërsa vazhdimisht ka patur ethe, mjekët thanë se do të ishte një ide e mirë që ta ekzaminonin në spital.
Një burim qeverie të hënën në mëngjes tha se Johnson ishte ende në spital.
Kujtojmë se në fillimet e pandemisë, Johnson vendosi të përballet ndryshe nga gjithë bota me Corona-n, duke mos pranuar distancimin social, sigurisht as karantinimin në masë, me tezën e fitimit të imunitetit të masës. Por më vonë, kur pa treguesit e përhapjes, u dorëzua. /tesheshi.com/
