Partitë opozitare në një konferencë të mbajtur sot kanë bërë të ditur se më 9 janar do të organizojnë protestën gjithëpopullore në Prishtinë, në kundërshtim të Asociacionit dhe Demarkacionit me Malin e Zi.
Opozita, nesër ndërkaq do të protestojë në Pejë dhe pasnesër në Malishevë.
Kreu i NISMA-s Fatmir Limaj, ka thënë se regjimi Mustafa-Thaçi tahsmë ka shfaqur fytyrën e vërtet, duke burgosur gjysmën e opozitës.
“Ata po na kujtojnë vitet e 80, atyre nuk po u mjafton vetëm burgosja e deputetëve të opozitës, ata po kërkojnë që çdo deputet i komitetit qendror të sulmojë. Ne si opozitë e bashkuar dhe një herë themi se burgosjet nuk na ndalin dhe kjo gjendje është rrënim i shteti”, deklaroi Limaj.
Kreu i VV-së, Visar Ymeri tha se në pushtet tashmë nuk ka legjitimitet politik e as demokratik, dhe se qeveritarëve u ka mbet që përmes dhunës të mbesin në pushtet.
“Në takimin e sotëm kemi diskutuar zhvillimet e fundit dhe hapat e mëtutjeshëm. Ne kemi marr vendim që me 9 janar të organizojmë një protestë gjithëpopullore në Prishtinë”, theksoi ai.
Lideri i AAK-së, Ramush Haradinaj tha se dje u pa që pushteti e ka zgjedh vetëm një rrugë, atë të policisë, duke vendosur që ta sakrifikojë prokurorin dhe gjyqësinë më tutje.
“Do të vije dita që policia, prokuroria dhe gjyqësori do të vendos se a dëshiron të jetë mjet i pushtetit. Opozita e bashkuar do të vazhdojë të kundërshtoj marrëveshjet deri në anulim. Kokëfortësia e Musafës dhe Thaçit tregon se këta janë peng i marrëveshjeve”, theksoi Haradinaj.
/tesheshi.com/
