Bashkimi Europian do të krijojë disa qendra të posaçme në mes të detit Mesdhe për të ndëryrë në raste tragjedish të mundshme.
Pas ndodhjes së një numri të madh tragjedish njerëzore ku kanë humbur jetën mijëra e mijëra refigjatëm vjen propozimi i parë nga Roma.
Italia i ka kërkuar Bashkimit Europian që të ndërtojë një flotë me anije të lehta që të arrijë sulmojë në det të hapur qendrat nga ku nisen emigrantët klandestinë për në Europë, por edhe të ndihmojnë menjëherë anijet që janë në rrezik mbytjeje.
Ka qenë ministri i Brendshëm italian, Angelino Alfano, i cili nga Katania e Siçilisë ka bërë thirrje për një aksion të përmasave të mëdha si kurrë ndonjëherë që të ngrihet një flotë policore antiemigrantë.
“Po studiojmë një propozim që të përdorim anijet e identifikimit të emigrantëve në det në mënyrë që të ndërhyjmë për t’i shpëtuar në rast rreziku. Kështu, nuk kemi pse të kemi vetëm një post në tokë për ndërhyrje, por ta bëjmë atë edhe në det dhe jo vetëm t’i vëzhgojmë tragjeditë nga larg”, tha Alfano në prezencë të Komisionerit të BE-së për çështjet e Brendshme, Dimitris Avramopulos, me të cilin inaguruan qendrën inteligjente anti-emigracion klandestin në Siçili.
Në Catania është ngritur taks forca rajonale e BE-së. EURTF.
Ajo është një platformë bashkëpunimi ndërmjet disa grupe ekspertësh të agjencive të BE-së të përfshirë në sistemin e menaxhimit të krizës së refugjatëve të bazuar mbi pikat e krizës.
Agjencitë e përfshira janë Frontex, zyra për azilin e BE-së, Europol dhe Eurojust.
Përgatiti: Ylli Pata – /tesheshi.com/
