Vendi ku do të luhen finalet e Kampionatit Europian të 2024-ës, do të jetë Gjermania, njoftoi sot nga selia e UEFA-s në Nyon të Zvicrës. Rivali kryesor i Gjermanisë ishte Turqia.
Në vitin 2010, Turqia humbi për një votë organizimin e Evropianit të vitit 2016. Ai kampionat u mbajt në Francë dhe kampione u shpall Portugalia.
Ndërsa kampionati i ardhshëm evropian, ai i 2020-ës, do të mbahet në 12 qytete të vendeve të ndryshme evropiane.
Gjermania e ka pritur organizimin e një Europiani që në vitin 1988, ndërkohë që ishte ende e ndarë në Gjermaninë Lindore dhe atë Perëndimore. Ndërsa në 2006-ën organizoi Botërorin që u fitua nga Italia. /tesheshi.com/
