Komiteti Teknik COVID vendosi se do të mbeten në fuqi masat që kanë qenë sa i përket situatës së COVID. Ora policore fillon në 20:00 deri në 06:00.
Drejtuesja e komitetit në fjalë, zv. ministrja Mira Rakacolli deklaroi se ka një përmirësim të situatës por nuk jemi aty ku duhet. Ky përmirësim sipas saj tregon se masat kanë qenë efikase, por do të mbeten të njëjta deri në 2 javët e ardhshme kur do të gjykohen sërish nga komiteti në varësi të situatës.
“Dalja deri në orës 20:00 deri në 6 të mëngjesit me përjashtim të atyre që kanë raste shëndetësore. Do të kemi vazhdimësi të mësimit online të universiteteve dhe të shkollave të mesme me përjashtim të maturave. Fluturimet me Britaninë edhe për këtë 2 javësh mbeten të pezulluara. Vazhdon dhe urdhri për të mos lejuar grumbullime me më shumë se 10 veta”, tha ajo.
Nga ana tjetër, dr. Brataj tha se “numri i vizitave për COVID ka rënë disi, por numri i vizitave në banesë për sa i përket qarkut të Tiranës dhe qarqeve të tjera, është barazuar, kemi një rritje të vogël në qarqet e tjera. Edhe shtrimet janë ulur. Edhe zona të largëta po preken nga COVID. Edhe pse indikatorët janë në rënie, përhapja e infeksionit në këto zona të virgjëra, duhet të na bëjë më të kujdesshëm. Partitë politike të kenë parasysh zbatimin e rregullave për ruajtjen nga infeksioni”.
“Jemi të shqetësuar sepse grumbullimet e vërejtura nga subjektet politike do të çojë në rritje të numrit të infeksioneve në të ardhmen dhe po ashtu dhe fatalitete.
Bëjmë apel subjekteve politike që takimet elektorale të bëhen në zbatim të rregullave. Vetëm kështu do të mund ta kontrollojmë situatën që këto ndërlikime të mos bëhen shkak për humbje jete”, tha Rakacolli. /tesheshi.com/
