Presidenti Vladimir Putin ka nënshkruar një dekret për pezullimin e pjesëmarrjes së Rusisë në Traktatin për Forcat Bërthamore me Rreze të Mesme veprimi, që njihet me shkurtesën INF të Luftës së Ftohtë me Shtetet e Bashkuara, tha Kremlini të hënën.
Putin “nënshkroi një dekret në lidhje me pezullimin e pjesëmarrjes së Rusisë në marrëveshjen midis BRSS dhe SHBA”, tha Kremlini në një deklaratë.
Vendimi u mor pas “një shkelje të detyrimeve të saj sipas traktatit nga Shteteve të Bashkuara”, u shtua më tej.
Moska dhe Uashingtoni kanë akuzuar njëra-tjetrën për shkelje të marrëveshjes së Forcave Bërthamore me Rreze të Mesme veprimi që përfunduan midis SHBA dhe ish-Bashkimit Sovjetik më 1987.
Presidenti i SHBA-ve Donald Trump tha në shkurt se Uashingtoni do të nis një proces për t’u tërhequr nga marrëveshja brenda gjashtë muajsh.
I menjëhershëm ishte përgjigja e Putinit, i cili pati deklaruar se Rusia do ta pezullojë përfshirjen e saj.
Ai tha se Rusia do të kërkojë të zhvillojë raketa me rreze të mesme në përgjigje të asaj që ai tha se ishin projekte të ngjashme me SHBA-të, duke ngritur spektrin e një gare të re të armëve.
Marrëveshja u negociua në fund të viteve 1980, dhe është nënshkruar nga Presidenti i atëhershëm amerikan Ronald Reagan dhe ish-udhëheqësi sovjetik Mikhail Gorbaçov. Marrëveshja kërkoi eliminimin e raketave bërthamore dhe konvencionale me rreze të shkurtër dhe mesme veprimi nga Shtetet e Bashkuara dhe Rusia.
INF ka ndaluar raketat me rreze të mesme, me një distancë prej 500 deri në 5,500 km (310-3,400 milje)
NATO ka thënë se aleatët amerikanë “mbështesin plotësisht” tërheqjen e saj nga pakti, duke këmbëngulur se sistemet raketore 9M729 të nisura nga Rusia shkelin traktatin.
Krerët evropianë kanë shprehur frikë për pasojat e rrëzimit të traktatit dhe i bëri thirrje Rusisë të trajtojë shqetësimet përpara se SHBA të largohet zyrtarisht në gusht. /tesheshi.com/
