Duke vijuar të mbrojë anullimin e zgjedhjeve të 30 qershorit, ato bojkotuar nga dyshja PD-LSI, presidenti Meta nuk pranon tashmë vendimin e Gjykatës Kushtetuese, e cila i referohet Venecias në atë që anullimi qe një shkelje nga ana e kreut të shtetit.
Për këtë arsye, Meta jo vetëm s’shpall zgjedhje të pjesshme në 6 bashki, por sulmon dhe Kushtetuesen e re.
Pa dalë vetë në konferencë, por duke nxjerrë këshilltarin ligjor dhe zëdhënësin, kreu i shtetit përcjell këto fjalë:
“Gjykata kushtetuese i zhgënjeu të gjithë me vendimin për 30 Qershorin për interesa kundër popullit shqiptar.
Gjykata Kushtetuese hoqi dorë nga funksioni i saj sublim dhe e shpalli veten jo kompetente.
Për fat të keq GJK me vendimmarrjen e saj faktikisht e la çështjen pa zgjidhje përfundimtare.
Nuk mori guximin të shpjegonte apo tu kthejë përgjigje pyetjeve që u ngritën. Këto çështje Gjykata Kushtetuese i la për përgjigje”.
Pra, nëse deri dje reagonte ashpër për mungesë të Gjykatës Kushtetuese, tashmë që ajo u krijua nuk pranon vendimet e saj. /tesheshi.com/
