Edhe Shqipëria i është dorëzuar më në fund Rusisë dhe Kinës për vaksinat e tyre anti-COVID. Qeveria ka miratuar Aktin Normativ, përmes së cilt, me fuqinë e ligjit miratohet marrëveshja me kompaninë turke “Keymen Ilaç Sanayi ve ticaret” për të furnizuar Shqipërinë me vaksina të prodhuara nga “Sinovac Life Science CoLtd’ me qendër në Kinës.
“Miratimin e tekstit të marrëveshjes ndërmjet, Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe distributorit të autorizuar ‘Keymen Ilaç Sanayi ve ticaret’A.Ş., për furnizimin e Republikës së Shqipërisë me vaksinën e inaktivizuar kundër COVID-19 (Vero Cell) Coronavac, të krijuar nga Sinovac Life Science Co Ltd. dhe të prodhuar në Republikën Popullore të Kinës, sipas tekstit që i bashkëlidhet këtij akti normativ.
Marrëveshja për furnizimin ndërmjet Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe ‘Keymen Ilaç Sanayi veticaret’ A.Ş., për shkak të sekretit tregtar dhe kërkesës së shprehur në marrëveshje nga ‘Keymen Ilaç Sanayi veticaret’, nuk do të publikohet në asnjë ëebsite të institucioneve apo në Fletoren Zyrtare”, thuhet në njoftimin zyrtar.
Një ditë më parë, qeveria shqiptare morri dhuratë nga Emiratet 10 mijë doza Sputnik.
Kujtojmë se kryeministri Rama ka mbajtur një qëndrim të ftohtë ndaj vaksinave ruse dhe kineze, por që tani, siç dhe disa vende të tjera europiane, po detyrohet të pranojë dhe këto versione lindore në emër të shëndetit të njerëzve. /tesheshi.com/
