Gjykata administrative më e lartë në Francë ka pezulluar ndalimin e burkinit në një vendim-test për rastin e sjellë para saj nga grupe të të drejtave të njeriut, mirëpo ende pritet vendimi përfundimtar.
Vendimmarja nga këshilli shtetëror pezullon ndalimin vetëm në qytetin jugor të Villeneuve-Loubet, në afërsi të Nisës, por me gjasa ai pritet të vendosë precedent edhe për qytetet e tjera që kanë ndaluar kostumin e banjës që mbulon gjithë trupin në plazhet e tyre.
Sipas sistemit ligjor të Francës, vendime të përkohshme mund të nxirren nga gjykata administrative deri sa gjykata merr më shumë kohë për të përgatitur një argumentim për ligjshmërinë e rastit.
Urdhër-ndalimet në formën e dekreteve bashkiake , u morrën pas sulmit në Nisë në ditën e Bastijës, dhe vrasjes së një prifti në Normandi.
Në të nuk përdoret në mënyrë specifike fjala burkini, por më vend të saj përdoret “kostumet e banjës që përshfaqin shoqërizim fetar”, duke cituar arsye të tilla si nevoja për mbrojtjen e rendit public, të higjienës apo ligjet franceze sekulariste.
Në një seancë dëgjimore përpara këshillit administrative shtetëror, avokatët për të drejtat e njeriut në Villeneuve-Loubet argumentuan se ndalimi i burkinit po ushqente frikën dhe intimidimin mbi liritë themelore.
Një gjykatë më e ulët vendosi më herët se ndalimi në Villeneuve-Loubet ishte i nevojshëm për të parandaluar ç’rregullime të rendit publik.
Konflikti për burkninin u intensifikua kur një grua me shami u fotografua në një plazh në Nisë duke hequr mbulesën e sipërme e rrethuar nga policë të armatosur.
Qyteti e ndaloi përdorimin e burkinit në plazhet e veta javën e kaluar, duke ndjekur shembullin e rreth 15 zonave bregdetare në juglindje të Francës ku kryebashkiakët bënë të njëjtën gjë.
Ndalimi ka ndarë qeverinë e Francës dhe shoqërinë e ka ndezur zemërim edhe jashtë vendit. Ish-presidenti sarkozy përdori në fjalimin e tij të parë të fushatës për zgjedhjet presidenciale të vitti 2017, një apel për një ndalim mbarëkombëtar të kostumeve të banjës, burkini, ndërsa qeveria socialiste është përçarë, pasi kryeministri dhe një nga zërat më feministë të kabinetit, morrën qëndrime kundërshtuese.
Ndalimi i burkinit ka nxitur edhe një konflikt në lidhje me parimet franceze të laicitetit – sekularizmit- mes akuzave se politikanët po përpiqen ta shformojnë këtë parim për përfitime politike, dhe po e përdorin atë për të targetuar muslimanët.
Republika Franceze është ndërtuar mbi një ndarje strikte të kishës nga shteti, që synon të nxisë barazinë në besimet private. Në teori, shteti është neutral në lidhje me fenë, dhe lejon secilin të ketë lirinë e praktikimit të besimit të tyre sa kohë nuk ka asnjë kërcënim për rendin publik.
Përgatiti: Juli Prifti – /tesheshi.com/
