Asnjë lojtar i Bayern-it nuk do të veshë fanellën me numrin pesë në shpinë për t’i bërë homazhe Franz Beckenbauer, legjendës së klubit që u nda nga jeta në fillim të vitit.
Vendimi është bërë i ditur nga presidenti aktual i Bayern-it, Herbert Hainer, me miratimin me zë të lartë të të pranishmëve në asamblenë vjetore të klubit.
“Historia e këtij klubi është thjesht e paimagjinueshme pa Franz. Këtë vit, Bayern humbi personin më të madh në historinë e tij”, tha Hainer.
“Kaiser” Franz Beckenbauer vendosi standarde të reja për lojtarët mbrojtës me stilin e tij elegant gjatë viteve 60-70 të shekullit të kaluar dhe fitoi trofe të shumtë me Bayern-in. Më vonë ai ishte edhe trajner dhe president i klubit më trofetar gjerman.
Më parë, autoritetet e qytetit të Mynihut vendosën që për nder të Beckenbauer-it, rruga përballë stadiumit të Bayernit të vihej me emrin e tij.
Nga 7 janari i vitit të ardhshëm, saktësisht një vit pas vdekjes së Beckenbauer, Bayern do t’i luajë ndeshjet e tyre në shtëpi në “Franz Beckenbauer Platz 5”. /tesheshi.com/
