Vjen edhe reagimi i ambasadorit amerikan, Jess Baily lidhur me situatën aktuale politike në Maqedoni, ku kryetari i shtetit, Gjorgje Ivanov refuzoi ta mandatojë liderin e LSDM-së, Zoran Zaev për ta formuar qeverinë e re.
Baily pajtohet me deklaratën e eurokomisionerit Johannes Hahn, i cili thotë se në demokraci duhet të njihet shumica parlamentare, edhe nëse nuk na pëlqen.
Njëherit, ambasadori Baily shprehet i shqetësuar duke deklaruar se “Maqedonia është duke u larguar nga parimet e demokracisë dhe të sundimit të ligjit, që janë vlera bazë të NATO-së”, siç ka shkruar ai në rrjetin social twitter.
Në ndërkohë kujtojmë edhe qëndrimin e Komisarit për zgjerim, Johannes Hahn lidhur me vendimin e Ivanov.
“Në lidhje me zhvillimet e fundit në Maqedoni: Të gjithë liderët, përfshirë edhe presidentin, duhet të respektojnë rezultatin e zgjedhjeve. Në një demokraci, shumica parlamentare duhet pranuar edhe nëse dikujt nuk i pëlqen. Që këtu, pres që të gjithë liderët dhe institucionet, në interes të qytetarëve të lejojnë që të rrjedhin proceset demokratike”, ka shkruar Hahn në rrjetin social twtter. /tesheshi.com/
