Hungaria ka për të marrë një vendim të vështirë, çka rezikon seriozisht daljen e saj nga Bashkimi Europian. Bëhet fjalë për futjen e vendimit për dënimin me vdekje.
Brukseli e ka bërë të qartë përmes shefit të Komisionit Europian Zhan-Klod Junker se nëse kryeministri hungarez Viktor Orban nuk tërhiqet nga propozimi i tij ka vetëm një zgjidhje, dalja nga Eurozona.
“Nëse kryeministri Viktor Orban nuk tërhiqet nga propozimi vendi do të duhet të largohet nga Bashkimi Evropian. Kush fut dënimin me vdekje nuk ka vend në Bashkimin Evropian, do të ishte ” bazë për divorc”. Karta e të drejtave themelore të Bashkimit Europian është ndalimi i dënimit me vdekje ” ka thënë Junker për “Süddeutschen Zeitung“.
Vetë Hungaria e ka shfuqizuar dënimin me vdekje që prej rënies së komunizmit në vitin 1990, ndërsa Orban e ngriti çështjen si kundërpërgjigje e reagimit të fortë publik pas vrasjes së një biznesmeni të ri në jug të vendit./tesheshi.com/
