Gjykata e Lartë e Kroacisë vendosi për ekstradimin e shtetasit të Shqipërisë, Ismail Morina – Ballistit, në Serbi.
Ai kërkohej nga autoritetet serbe për shkak të lëshimit të një droni, që sipas drejtësisë atje ka shkaktuar trazira në ndeshjen e futbollit ndërmjet Serbisë e Shqipërisë më 2014.
Por vendimin përfundimtar do ta marrë ministri i Drejtësisë, raporton agjencia kroate e lajmeve, Hina.
Morina, sipas fletarrestit, u kap në qershor në territorin e Dubrovnikut.
Serbia e akuzon se para tri vjetësh duke drejtuar një dron, që sipas autoriteteve, kishte mesazhe nacionaliste që pasqyroheshin përmes hartës së Shqipërisë së Madhe, ka ndërprerë ndeshjen futbollistike midis përfaqësueseve të Serbisë dhe të Shqipërisë në Beograd, duke shkaktuar trazira midis tifozëve.
Në fakt, pas lvshimit të dronit, tifozë serbë sulmuan me mjete të forta lojtarët e kombëtares shqiptare, gjë që pasqyrohet edhe në raportin e organizmave ndërkombëtarë të futbollit, të cilat i dhanë Shqipërisë 3 pikë në tavolinë. /tesheshi.com/
