Komisioni Evropian, në konsultim me Shtetet Anëtare të Bashkimit Evropian, do të përjashtojë vendet e Ballkanit Perëndimor nga sistemi që kërkon licenca për eksportimin e pajisjeve mjekësore mbrojtëse.
Rregullorja e re do të hyjë në fuqi më 26 prill, dhe përveç përjashtimit të Ballkanit Perëndimor, kërkon gjithashtu autorizimin e nevojshëm të eksportit në vendet e treta vetëm për maska mbrojtëse
Komisioni njofton se sistemi i ri i licencave të eksportit, i futur menjëherë pas fillimit të pandemisë së sëmundjes COVID-19 në Evropë, do të mbulojë vetëm një kategori produktesh (maska mbrojtëse mjekësore) dhe do të zvogëlojë “shtrirjen gjeografike” të aplikimit.
“Me përjashtim të përjashtimeve para-ekzistuese, vendet e Ballkanit Perëndimor të përfshirë në procesin e integrimit të thellë me Unioni, Gjibraltarin dhe territoret e shteteve anëtare të përjashtuara nga Unioni Doganor i BE-së, do të përjashtohen nga licencat e eksportit”, thuhet në një dokument të Komisionit Evropian.
Komisioni shton se, në frymën e solidaritetit ndërkombëtar, skema e re tani do të kërkojë në mënyrë eksplicite nga Shtetet Anëtare të autorizojnë eksportin e furnizimeve urgjente në kontekstin e ndihmës humanitare nën procedurat e përshpejtuara.
“Rregullorja detyron Shtetet Anëtare të konsultohen me Komisionin Evropian kur vlerësojnë nëse do të japin një autorizim eksporti, i cili duhet të japë një mendim brenda 48 orësh”, thuhet në dokumentin e Komisionit.
Ata kujtojnë se sistemi i lejeve për eksportin e pajisjeve mjekësore mbrojtëse nga BE u fut në 30 mars për 30 ditë, dhe se rregullorja e re do të jetë në fuqi nga 26 prill deri më 26 maj. /tesheshi.com/
