Google ka ndaluar kompaninë e celularëve Huawei nga përditësimet në sistemin operativ Android, duke i dhënë një goditje të madhe firmës kineze.
Hartat e reja të telefonave inteligjentë Huawei tani pritet të humbasin qasjen në aplikacionet e shumëpërdorura të Google.
Ky veprim vjen pasi administrata Trump shtoi Huawei në listën e kompanive më të cilat firmat amerikane nuk mund të zhvillojnë tregti.
Në një deklaratë, Google tha se vetëm po vepronte “në përputhje me ligjet”.
Çfarë do të thotë kjo për përdoruesit e Huawei?
Shfrytëzuesit ekzistues të smartfonëve Huawei do të jenë në gjendje të përditësojnë aplikacionet dhe të apdejtojnë sistemet e sigurisë, si dhe të përditësojnë shërbimet e Google Play.
Por kur Google të lansojë versionin tjetër të Android, që pritet të ndodhë këtë vit, ai nuk do të jetë i qasshëm në pajisjet e Huawei.
Pajisjet e ardhshme të Huawei nuk mund të kenë aplikacione të tilla si YouTube dhe Google Maps.
Ndërkohë Huawei ka deklaruar se do të shtyjë përpara zhvillimin e pjesëve të veta.
Gjigandi kinez përballet me reagimin në rritje të vendeve perëndimore, të udhëhequra nga SHBA, mbi rreziqet e mundshme që paraqiten duke përdorur produktet e saj në rrjetet e gjeneratës së re 5G.
Disa vende kanë ngritur shqetësime se pajisja Huawei mund të përdoret nga Kina për mbikëqyrje, akuzat që kompania i ka mohuar kategorikisht.
Huawei ka thënë se puna e tyre nuk paraqet ndonjë kërcënim dhe se është e pavarur nga qeveria kineze. /tesheshi.com/
