Punëdhënësit në Europë kanë të drejtën të ndalojnë punonjësit e tyre nga “veshja e dukshme me kuptim politik, filozofik apo fetar”. Ku përfshihet edhe shamia e grave. Gjykata e Lartë Europiane ka marrë këtë vendim, duke shtuar se ndalimi duhet të bazohet në rregullat e brendshme të kompanive që u kërkojnë të gjithë punonjësve të “vishen në mënyrë neutrale”.
Vendimi thotë se ndalimi nuk duhet të bazohet në dëshirat e ndonjë klienti.
Ky është vendimi i parë i gjykatës për çështjen e mbajtjes së shamisë muslimane në vendine punës. Vendimi u nxit nga rasti i një recepsionisteje që u pushua nga puna pasi mbante shami në punë, nga ana e kompanisë së sigurisë G4S në Belgjikë.
Gjykata belge e Kasacionit ia referoi çështjen gjykatës më të lartë të BE-së për sqarim.
Çështjet e veshjes muslimane dhe integrimit të komuniteteve të emigrantëve kanë qenë pikat kryesore të debatit në disa vende europiane gjatë viteve të fundit.
Austria dhe shteti gjerman i Bavarisë së fundmi, kanë njoftuar vendosjen e ndalimit të mbulimit të plotë në hapësirat publike.
“Amnesty International” komentoi se vendimi i Gjykatës Europiane të Drejtësisë është “zhgënjyes” dhe se “hap derën e pasme për paragjykimet”. /tesheshi.com/
