Kryeministri Rama ka kumtuar atë që mund të konsiderohet vendim historik, por dhe pak “luftarak” ndaj Serbisë, duke shpallur zerimin e taksave në këmbimin tregtar mes Kosovës e Shqipërisë, e mbështetur njëherësh vendimin e qeverisë Haradinaj, për 100 për qind taksim të produkteve serbe.
“0% tarifa mes Shqipërisë dhe Kosovës. Nuk ka nevojë të mblidhemi më. Tarifa 100% në Veri dhe 0% mes nesh. Kush e konsideron si kërcënim të ulet dhe t‘ ia shpjegojmë”, ka deklaruar Rama, duke e pasuar me një argumentim politik të gjithçkaje po ndodh:
“Kemi qënë dhe mbetemi të zhgënjyer nga qasja e BE-së për lëvizjen e lirë të qytetarëve të Kosovës. Ja pse themelimi i FSK ishte hapi i duhur dhe kuptimplotë në drejtim të plotësimit të një shteti që nuk mund të konsiderohet nga askush një gjysmë-shtet. Kosova ka shfaqur që në krye të herës vullnet për dialog me Serbinë. Kosova është në gjendje të luajë rolin e saj ndërkombëtar.
Frenezia me të cilën Serbia po e bllokon Kosovën në instance dhe tërheqjen e njohjes nuk është shqetësuese por sfiduese. Bllokimi i njohjes së Kosovës është ikurajimi i mafieve, siç edhe është shprehur ish-ministri britanik. Serbia jep goditje të njëpasnjëshme pas shpine Kosovës dhe ky është reagimi i tarifës 100%.
Është reagim politik. Ministri i Punës së Kosovës më tregonte sesi i kërkonin që të hiqte fjalën Republika e Kosovës nga fjalimi që do të mbante.
‘What the fuck? Do të thonin në gjuhën e Parlamentit Europian.’ 0 tarifa mes Shqipërisë dhe Kosovës. Nuk ka nevojë të mbliedhemi më. Tarifa 100% në Veri dhe 0% mes nesh. Kush e konsideron si kërcënim të ulet dhe t’ja shpjegojmë. Brenda 6-mujorëshit të parë të vitit të parë: Njohje të plotë të të gjitha dokumenteve. Çfarë jepet në Shqipëri do të njihet në Kosovës dhe anasjellta. Ne nuk jemi shqiptarët dhe serbët, ne jemi shqiptrarët dhe shqiptarët.
Patentat mes Kosovës dhe Shqipërisë, nuk janë si ato të Greqisë që u deshën 30 vjet negociata. Së shpejti nuk ka më roaming mes nesh.
Pika e Morinës, do të funksionojmë si pa kufi. Të vendosim një fond për Ministrinë e Jashtme për të bërë një dokument analitik dhe strategjik. Një dokument demografik, social etj., e di çfarë do të thonë në Beograd por unë kam parasysh vetëm bashkimin e shqiptarëve. I duhet thënë fund qasjes së dyfytyrtë. Ne kemi një fytyrë ajo është kuqezi dhe do të përballemi me të gjitha sfidat” deklaroi Rama, në mbledhjen e dy qverive në Pejë.
Nga ana tjetër, homologu Haradinaj: “Jam i lumtur për çfarë kemi arritur gjatë këtyre takimeve të përbashkëta dhe jam i bindur se mundësia për të nënshkruar 9 marrëveshje do të çojë deri në unifikimin e ekonomive tona dhe jo më kaq. Shqipëria ka të drejtë të llogarisë Kosovën. Edhe Kosova ka të drejtë të llogarisë Shqipërinë. Kosova është e kombit tonë dhe aleatëve. Zoti bekoftë Kosovën, Shqipërinë dhe aleatët”. /tesheshi.com/
