Gjykata e Lartë ka rrëzuar kërkesën e një çifti femëror shqiptar LGBT, të cilat u martuan pak javë më parë në tarracën e Bashkisë së Tiranës, për të regjistruar dy vajzat e vogla binjake, për të pasur dy nëna.
Vajzat H.M dhe A.M, binjake të seksit femër, kanë lindur në 18 janar 2021 në Tiranë. Ato janë vajzat e njërës prej dy femrave që u martuan me një ceremoni që shkaktoi jo pak reaksion në kryeqytet, si për aktin e tyre si për vendin ku e kryen atë, majë të një institucioni shtetëror, me Veliajn që u përvodh prej aty duke qenë në një vizitë në Japoni .
Dyshja kërkoi kohë më parë që vajzat të regjistrohen në gjendjen civile në njësinë administrative numër 2 në Tiranë me dy nëna.
Ato kërkonin të regjistrohen si nëna, me të drejta të barabarta amësie në të njëjtën përbërje me dy vajzat që i konsiderojnë të tyret.
Por drejtësia shqiptare është bërë barrikadë e kësaj të keqeje, së paku deri më tani.
Megjithatë kjo nuk mjafton. Akti i tyre ka qenë një shkelje e hapur e ligjit, përfshirë dhe të atyre që e organizuan atë palo ceremoni, për të cilin ka një kallëzim në organet e drejtësisë. /tesheshi.com/
