Ishulli indonezian Bali do të presë samitin e G20 më 15 dhe 16 nëntor, domethënë 20 vendet më të fuqishme në botë.
Presidentët e Ukrainës dhe Rusisë, Volodymyr Zelensky dhe Vladimir Putin, janë të ftuar në Samit.
Nëse të dy vijnë, do të ishte pikëtakimi i tyre i parë që nga fillimi i agresionit rus kundër Ukrainës.
Në një intervistë për The National News, ambasadori i Indonezisë në Emiratet e Bashkuara Arabe, Husin Bagis tha se përgatitjet për ardhjen e Zelensky-t dhe Putinit janë duke u zhvilluar.
“Aktualisht jemi duke vendosur se në cilat hotele do t’i vendosim. Njëri për Putinin dhe tjetri për Zelenskiy-n,” tha Bagis, raporton EDNeës.
Ai shtoi se ata duan të shmangin tensionet e mundshme dhe prandaj duan t’i ndajnë ato.
Megjithatë, Zelensky dhe Putin nuk e kanë konfirmuar ende mbërritjen e tyre.
“Ne duam që G20 të jetë një platformë për paqen, jo për konfliktin. Ukraina nuk është pjesë e G20, por ne e ftojmë atë gjithsesi,” tha Bagis. /tesheshi.com/
