Kryetari demokrat, Lulzim Basha, e ka cilësuar si vlerësim për të dhe PD-në faktin që sekretari amerikan i shtetit, John Kerry u takua me të dhe një delegacion nga selia blu për më shumë se gjysëm ore.
Kjo tregon besimin që një figurë kaq e lartë ka tek PD-ja tha Basha, i cili ka gjetur dhe një arsyetim tjetërlloj për deklaratën e Kerry-t se “vendi është në rrugën e duhur”, duke cituar në këtë mënyrë slloganin e PS-së në fushatën e fundit elektorale për zgjedhjet lokale.
Sipas Bashës, edhe kjo thënie i dedikohet kohës së PD-së, pasi vetëm atëherë ndodhi anëtarësimi në NATO, liberalizimi i vizave dhe dhënia e statusit kandidat për Shqipërinë në BE. /tesheshi.com/
