Dubai Mall ishte vendi më i vizituar në botë në vitin e kaluar 2023.
Kompania shumëkombëshe e Emirateve për zhvillimin e pasurive të paluajtshme Emaar pretendon se në vitin 2023 deri në 105 milionë njerëz kaluan nëpër Dubai Mall. Kjo është një rritje prej 19 për qind krahasuar me vitin 2022, kur në qendër kaluan 88 milionë njerëz.
“Qendra jonë tregtare plotëson frymën e gjallë të qytetit dhe përkushtimin për përsosmëri, duke e kthyer vizionin e udhëheqjes në realitet,” tha themeluesi i Emaar Group, Mohamed Alabbar, kur prezantoi rezultatet e biznesit.
Për ne shqiptarët, emri i këtij njeriu lidhet me investimin e madh në Durrës, për të krijuar aty një mini Dubai.
Shifra magjepsëse e miliona dollarëve është një rekord për destinacionin popullor turistik të Dubait, i ndërtuar në vitin 2008, i cili mbulon një sipërfaqe të pabesueshme 1,200,000 metra katrorë – pikërisht pranë ndërtesës më të lartë në botë, Burj Khalifa, e cila ndodhet në një pjesë të qytetit i njohur si Downtown Dubai.
Dubai Mall përfshin rreth 1200 dyqane të markave të njohura të rrobave, këpucëve, bizhuterive, orëve, pajisjeve elektronike dhe të ngjashme, ku mund të blini për orë të tëra. Kur keni nevojë për një pushim, mund të zgjidhni një nga rreth 200 restorante, kafene dhe vende të tjera për të pushuar.
Të vish në Dubai Mall dhe të mos shohësh akuariumin e tyre monumental dhe kopshtin zoologjik nënujor do të ishte turp. Dubai Aqaurium është i mbushur me 10 milionë litra ujë dhe është shtëpia e 33,000 kafshëve – nga të cilat deri në 300 peshkaqenë. Çmimi i biletës njëditore për të rriturit? Përafërsisht 50 euro.
Dubai Mall vizitohet nga banorë vendas, por edhe turistë nga e gjithë bota – veçanërisht nga Evropa, Kina dhe India. Emaar theksoi se në dy muajt e parë të këtij viti, rreth 20 milionë njerëz kanë kaluar nëpër Dubai Mall, gjë që sugjeron se frekuentimi i ethshëm mund të vazhdojë në vitin 2024. /tesheshi.com/
