Kjo botë ka çudira nga më të ndryshme e njëra nga to mund të jetë patjetër ‘ndalimi i vdekjes’. Po, po, nuk është një shaka, është e vërtetë.
“Kemi ngelur vetëm 500 dhe nëse mundni… shmangni vdekjen tuaj”. Duket si një barsoletë, por nuk është e tillë. Ngjarja ka ndodhur në Sellia, në provincën e Catanzaros në Itali, i cili është një nga vendet në rrezik për shpopullim tërësor në zonënë e Kalabrisë dhe me kryebashkiakun kanë ndërmarr disa iniciativa për të shmangur sherret banale, të cilat mund të çojnë në konflikte me viktima, zjarret e papritura në banesa etj.
Më shumë se një urdhër, të cilin shumë persona do të ishin të lumtur ta respektonin, Davide Zicchinella, kryebashkiak, mjek, dhe pediatër ka ftuar bashkëqytetarët e tij, 60% e së cilëve mbi 65 vjeç, të kujdesen në mënyrë të vazhdueshme për shëndetin e tyre, duke nisur një fushatë parandalimi në bashkëpunim me spitalin lokal për kontrolle dhe vizita të njëpasnjëshme të të moshuarve.
Përgjigja e qytetarëve ka qenë mëse e mirë. “100 persona, në një muaj aktivitet të strukturës, u janë nënshtruar vizitave. Është një rezultat që përshkruan më së miri shpirtin e iniciativës që kanë këta banorë”,- thotë kryebashkiaku./tesheshi.com/
