Sllovakia nuk mund të bëjë pa gazin rus dhe është gati ta paguajë atë në rubla nëse duhet, tha ministri i ekonomisë Richard Sulik, duke shtuar se Bratislava do të bashkëpunojë me BE në një terren të përbashkët.
“Bratislava ka gjashtë javë për të gjetur një zgjidhje”, tha ministri Richard Sulik, duke shpjeguar se fatura e radhës duhet të paguhet më 20 maj.
Ai theksoi megjithatë se Sllovakia nuk mund të bënte pa gazin.
“(Dorëzimi) i gazit nuk duhet të ndalet,” tha Sulik në një diskutim në televizionin shtetëror RTVS.
“Nëse kushti është që të paguhet në rubla, ne do ta paguajmë në rubla”, tha ministri sllovak, duke shtuar se do të vazhdojë të punojë me BE-në për një qëndrim të përbashkët.
Sllovakia plotëson rreth 85 për qind të nevojave të saj për gaz duke importuar nga Rusia.
Kujtojmë që ky vend, si Çekosllovaki, pra një shtet me Çekinë, të ndarë pas 90-ës, ishin pjesë e bllokut lindor që udhëhiqej nga BRSS. /tesheshi.com/
