Folësit në një konferencë ndërkombëtare që po mbahet në Stamboll këto ditë kanë vlerësuar Turqinë, Pakistanin dhe Malajzinë për përpjekjet e tyre të pandërprera kundër plagës së islamofobisë dhe krimeve të urrejtjes anti-muslimane. Ankaraja nga ana e saj ka shprehur dëshirën dhe vullnetin për të ndarë “njohuritë dhe përvojën” e saj me anëtarët e tjerë të Organizatës së Bashkëpunimit Islamik (OIC).
“Si organizatë (OIC), ne duhet të punojmë së bashku, të rrisim bashkëpunimin dhe të përdorim platformën tonë në mënyrë më efektive,” tha në një konferencë të mërkurën zëvendësministri turk i drejtësisë, Yakup Mogul.
Kombet muslimane duhet të mbështesin njerëzit që po përballen me diskriminim në mbarë botën, u tha ai delegatëve që ishin mbledhur për të diskutuar shkeljet e të drejtave të njeriut me të cilat përballen muslimanët, duke shtuar se Turqia ishte e gatshme të “ndante njohuritë dhe përvojën e vet” me vendet e tjera të OIC.
“Nëse nuk rmarrim masa, gjendja do të përkeqësohet,” tha Mogul, duke iu referuar pushtimit të tokave të Palestinës dhe çrrënjosjes brutal të Myanmarit të muslimanëve etnikë Rohingya.
Veprimtaria dy-ditore organizohet nga ministritë e Drejtësisë ajo e Jashtme e Turqisë në bashkëpunim me Komisionin e Pavarur të Përhershëm të të Drejtave të Njeriut (IPHRC) të OIC.
Haci Ali Acikgul, kryetar i IPHRC-së, tha se blloku mysliman dhe organizata që ai drejton kanë qenë gjithmonë të zëshëm në “dënimin e akteve të motivuara nga urrejtja kundër muslimanëve në mbarë botën, nga Palestina në Kashmir, Nagorno Karabakh, Indi, Sri Lanka, Francë, Zelandën e Re, Republikën e Afrikës Qendrore dhe Mianmar.”
Islamofobia, tha ai, është “transformuar në një retorikë sistematike anti-muslimane të ekstremistëve të krahut të djathtë të propaganduar për të arritur përfitime të mirëpërcaktuara politike”.
Acikgul tha se IPHRC ka propozuar një strategji gjithëpërfshirëse kundër islamofobisë për OIC-në, por duke pasur parasysh shkallën e sfidës “përpjekjet e OIC-së dhe IPHRC-së të vetme nuk janë të mjaftueshme”.
“Kjo kërkon përpjekje të bashkërenduara bashkëpunimi nga shtetet, shoqëria civile, inteligjenca dhe media,” vuri në dukje ai ndërsa vlerësoi udhëheqjen e Turqisë, Pakistanit dhe Malajzisë për “përpjekjet e tyre të lavdërueshme që dhanë një ndjenjë drejtimi dhe kërkuan shtysë politike për përpjekjet e vazhdueshme në shkallë globale”.
“Ne mbështesim thirrjen e tyre për krijimin e masave mbrojtëse ligjore që synojnë mbrojtjen e ndjeshmërisë së të gjitha grupeve fetare dhe nxitjen e përpjekjeve kolektive të OIC-së për të projektuar imazhin e vërtetë të Islamit dhe mesazhin e tij për paqen dhe tolerancën,” tha ai.
Studimet tregojnë se lëvizjet e ekstremit të djathtë dhe anti-myslimane kanë fituar terren në mbarë botën, veçanërisht në Evropë pasi kriza e refugjatëve ka shkaktuar nacionalizëm në të gjithë kontinentin. /tesheshi.com/
