Në një deklaratë të përbashkët që do të lëshohet pas samitit të jashtëzakonshëm të Organizatës së Bashkëpunimit Islamik (OIC) në Stamboll, do t’i bëhet thirrje komunitetit ndërkombëtar për të njohur Jerusalemin Lindor si kryeqytetin e Palestinës nën pushtim, njofton agjencia Anadolu.
Siç njofton AA, nga burime të afërta me organizatorin, një pjesë e deklaratës së Presidentit të Turqisë Rexhep Tajip Erdogan gjatë takimit në samitin e sotëm, në të cilin ai tha se “fton gjithë botën për të njohur Jerusalemin Lindor si kryeqytetin e Palestinës nën pushtim”, do të gjendet në një deklaratë të përbashkët pas Samitit.
Vendet islamike gjithashtu do të shprehin një pritje nga bashkësia ndërkombëtare për t’iu përgjigjur pozitivisht thirrjes për njohjen e Jerusalemit Lindor si kryeqytet i Palestinës. /tesheshi.com/
