Mbi dhjetë vende arabe kanë akuzuar Iranin se mbështet dhe financon terrorizmin. Një letër e iniciuar nga Emiratet e Bashkuara Arabe dhe e nënshkruar nga Arabia Saudite, Egjipti, Jordania, Sudani, Maroku, Bahreini, Kuvajti, Omani, Katari dhe Jemen, është përcjellë Asamblesë së Përgjithshme të Kombeve të Bashkuara, ku ndër të tjera aty thuhet se ky vend, edhe me politikat e veta të ndërhyrjes në punët e brendshme të disa shteteve, ka nxitur trazira, tensione dhe destabilitet në rajon.
Në letër përmenden rebelët shiitë Huthi në Jemen dhe
Hezbollahu në Liban, të cilët e cila kanë dërguar dhe luftëtarë në Siri në mbështetje të qeverisë së Asadit.
Të 11 vendet gjithashtu akuzojnë Iranin dhe për mbështetjen e “grupeve terroriste dhe qeliza” në Bahrein, Iraku, Arabia Saudite, Kuvajt dhe vende të tjera.
Vendet nënshkruese të letrës citojnë një deklaratë nga ministri i jashtëm i Bahreinit në shtator se e vetmja rrugë për stabilitetin rajonal është që Irani të ndryshojë tërësisht politikat e saj të jashtme armiqësore.
Në letër përmendet rasti i Jemenit kur rebelët Huthi kanë zhytur vendin në një luftë civile prej dy vitesh pasi rëzuan dhe qeverinë legjitime të Sana-s.
Kjo letër vjen dhe pas incidentit të pak ditëve më parë, kur rebelët shiit Huthi lëshuan një raketë në drejtim të Mekës, por që u arrit të neutralizohej nga forcat ushtarake saudite. /teshesh.com/
