Egjipti është pajtuar të shtyjë votimin mbi një rezolutë të Këshillit të Sigurimit të OKB-së kundër vendbanimeve izraelite, pasi presidenti Trump ka folur me homologun e tij al-Sisi, ka njoftuar zyra e presidentit egjiptian.
Egjipti kishte qarkulluar draftin të mërkurën vonë, duke kërkuar nga Izraeli të ndalë aktivitetet në vendbanimet në Bregun e pushtuar Perëndimor, dhe votimi ishte planifikuar fillimisht për të enjten.
Por më vonë u kërkua që rezoluta të shtyhet, pasi Izraeli nisi një përpjekje të furishme lobimi, përfshirë thirrjet nga kryeministri izraelit, Benjamin Netanyahu drejtuar SHBA-së për të përdorur veton e saj në Këshillin e Sigurimit në bllokim të rezolutës. Të premten, zëdhënësi i Sisi-t tha se të dy udhëheqësit ranë dakord që të lejojnë Trumpin që të marrë pjesë në trajtimin e çështjes.
“Gjatë telefonatës ata diskutuan çështjet rajonale dhe zhvillimet në Lindjen e Mesme; dhe në atë kontekst diskutuan edhe për projekt-rezolutën para Këshillit të Sigurimit për zgjidhjen e çështjes së vendbanimeve izraelite”, tha zëdhënësi Alaa Yousef. “Presidentët ranë dakord mbi rëndësinë e ofrimit të mundësisë së plotë për administratën e re amerikane për t’u marrë me të gjitha dimensionet e çështjes palestineze, me qëllim arritjen e një zgjidhjeje të plotë dhe përfundimtare.”
Një rezolute të ngjashme i ishte vënë veto nga SHBA në vitin 2011. Më parë, diplomatët nga Zelanda e Re, Venezuela, Malajzia dhe Senegal i thanë Egjiptit se në qoftë se nuk sqarohet çështja e votimit ana e Kajros zyrtare, ata do të çojnë çështjen përpara, pa përfshirjen e saj.
Trump, i cili bëri fushatë me premtimin për të njohur Jeruzalemin si kryeqytet i Izraelit, i ka bërë thirrje Uashingtonit të përdorë veton e saj për të bllokuar rezolutën. “Rezolutës së shqyrtuar në Këshillin e Sigurimit të Kombeve të Bashkuara në lidhje me Izraelin i duhet vënë veto”, ka thënë republikani në një deklaratë të lëshuar disa orë përpara votimit të planifikuar.
Palestinezët do t’i qasen problemit vetëm përmes negociatave të drejtpërdrejta midis palëve dhe jo përmes imponimit të kushteve nga ana e Kombeve të Bashkuara. “Kjo e vë Izraelin në një pozitë shumë të dobët negociuese dhe është shumë e padrejtë për të gjithë izraelitët”, shtoi Trump.
Vendbanimet izraelite janë të paligjshme sipas ligjit ndërkombëtar dhe shihen si pengesë kryesore në përpjekjet për paqe, pasi ato janë ndërtuar në tokën palestineze të pushtuar nga Izraeli.
Kombet e Bashkuara mbajnë qëndrimin se vendbanimet janë të paligjshme, por zyrtarët e OKB-së kanë raportuar një rritje të ndërtimit gjatë muajve të fundit.
Palestinezët duan një shtet i pavarur në Bregun Perëndimor, Gaza dhe Jeruzalemin Lindor, zona të Izraelit që janë okupuar gjatë një luftë në vitin 1967. Izraeli kundërshton se vendbanimet janë të paligjshme dhe thotë se statusi i tyre final duhet të përcaktohet në bisedimet e ardhshme mbi shtetin palestinez. /tesheshi.com/
