“Vëllazëria Muslimane”, një organizate me bazë në Egjipt, thekson se nuk kanë gjetur ende ndonjë arsye bindëse për armiqësinë e Arabisë Saudite ndaj saj, sepse, siç tha një eksponent nga kjo organizatë, “Vëllazëria Muslimane” nuk ka bërë asgjë për të dëmtuar Arabinë Saudite.
Ka qenë Ibrahim Munir nga “Vëllazëria” ai që në një intervistë për “Arabi 21”, tha se pozicioni zyrtar saudit ndaj “Vëllazërisë Muslimane” është krejtësisht “i pakuptueshme dhe i pajustifikuar”.
“‘Vëllazëria Muslimane’ është viktimë e marrëdhënieve me Arabinë Saudite, ndërkohë që ajo nuk ka bërë asgjë për të provokuar këtë armiqësi ekzistuese. ‘Vëllazëria Muslimane’ nuk është ofruar e as imponohet si një alternativë ndaj regjimit saudit apo të kuptuarit saudit të Islamit apo ndonjë vend tjetër arab”, tha ai, duke vijuar të argumentojë: “Politika e ‘Vëllazërisë Muslimane’ është stabilizimi i vendeve arabe”, tha Munir.
Ai më tej shtoi se “‘Vëllazëria’ ende nuk e kupton se pse disa udhëheqës të sistemeve demokratike arabe refuzojnë të mbështesin të drejtën e popullit egjiptian për të zgjedhur përfaqësuesit e tyre dhe ata që i qeverisin ato.”
Ai theksoi se “armiqësia mes ‘Vëllazërisë Muslimane’ dhe Arabisë Saudite nuk ekziston, ose ekzziston vetëm në anën e regjimit saudit dhe për arsye të panjohura”.
Ky reagim vjen pasi Arabia Saudite e ka klasifikuar “Vëllazërinë Muslimane në organizatë terroriste. E gjithashtu, Arabia Saudite ishte një nga vendet kryesore që mbështetën grushtit ushtarak të drejtuar nga al-Sisi kundër presidentit Mohammed Morsi, 3 korrik, 2013. /tesheshi.com/
