Në seancën e parë për 2020-n, Kuvendi i Shqipërisë zgjodhi Artur Metanin si kreun e Inspektoriatit të Lartë të Drejtësisës, një jurist që ka punuar me dy presidentë si këshilltarë i tyre juridikë, Moisiun dhe Topin, e që duke qenë vëllai i ish-ministres socialiste Englantina Gjermeni, është kontestuar fort nga PD.
Emërimi i Artur Metanit, një militanti partiak, vartës i Ramës, vëlla i deputetes dhe ish ministres së Ramës është një tjetër zhgënjim i thellë për të gjithë shqiptarët që prisnin drejtësi të pavarur nga reforma në drejtësi e cila, me hapin e sotëm është pranë vdekjes klinike”, thuhet nga PD.
Sipas saj, kjo përzgjedhje është dhe me shkelje.
“Emërimi i Artur Metanit në krye të Inspektoriatit të Lartë të Drejtësisë, në kundërshtim me Kushtetutën dhe ligjet, është një emërim partiak në një nga pikat kyçe të sistemit të drejtësisë, që verifikon dhe nis hetime për të gjithë gjyqtarët, prokurorët, si dhe për anëtarët e Këshillit të Lartë Gjyqesor dhe atë të Prokurorisë.
Vartës i Edi Ramës për vite me radhë, Artur Metani nuk do t’i shërbejë drejtësisë së pavarur. Ai është emëruar aty për të qenë shërbëtor i Edi Ramës”, pretendon opozita. /tesheshi.com/
