“Arrest me burg” është masa e sigurisë e dhënë nga Gjykata e Krimeve të Rënda, për italianin Xhovani Palladino dhe shqiptarin Veli Ymeri.
Arrestimi i dy shtetasve u realizua tre ditë më pare, teksa me një anije velierë të nisur nga bregu i Darzezës në Fier, tentonin të trafikonin drejt Italisë 1.2 ton kanabis.
Droga u shpërnda gjatë bregdetit nga të arrestuarit, pasi vunë re se po ndiqeshin nga policia. Kjo e fundit arriti të mbledhë rreth 1 ton me pako të mëdha të mbështjella me letër cellofani.
Operacioni i policisë është zhvilluar në kushte shumë të vështira, pasi kishte krijuar një det me dallgë 5 deri në 6 ballë.
Veliera është një nga mjetet lundruese që mund të përballojë edhe dallgë të tilla, çka duket trafikantët kanë pritur një mot të tillë, për të pasur mundësi më të lehtë transporti dhe shqetësime më të pakta nga policia. /tesheshi.com/
