Kryetari i Bashkisë së Tiranës, Erion Veliaj ka përmendur sot projektet e rëndësishme të bashkisë si hapja e mencave sociale, shpërndarja e banesave sociale apo dhe mbështetja për komunitetin rom.
I pranishëm në panairin r shërbimeve për familjen të organizuar nga Ministria e Mirëqenies Sociale dhe Rinisë me rastin e Ditës Ndërkombëtare të Familjes, Veliaj tha se do të nisë shpërndarja e pjesës së mbetur të banesave sociale.
“Bashkia e Tiranës brenda këtij viti do të shpërndajë pjesën e mbetur të banesave sociale. Javën që vjen ne do të fillojmë me një lagje të re rome në zonën e Shkozës. Do të zëvendësojmë të gjitha barakat me shtëpi që kanë dinjitetin që duhet të ketë secili që ka vendosur të jetojë në Tiranë”, njoftoi Veliaj.
Ai foli edhe për çekun e bebes, të cilin e cilësoi si një mënyrë për të pritur në qytetin tonë qytetarët tanë më të rinj dhe për t’iu thënë po iu fillon një llogari modeste bankare si një mënyrë për të thënë “mirë se erdhe në Tiranë./tesheshi.com/
