Atë që banorët e irrituar të Astirit e kërkuan me forcë, hyrjen në Bashki, kreu i saj Erion Veliaj jua ka mundësuar në paqe. Veliaj dhe banorët nisën një komunikim mes tyre për çdo problematikë, ku siç than kryëbashkiaku i Tiranës, duke u ulur dhe duke e dëgjuar njëri-tjetrin, çdo problem është i zgjidhshëm.
“Nëse me këtë frymë i sqarojmë njerëzit dhe pastaj vijojmë me një seri takimesh, të hënën me këtë bllok, me arkitektët, me urbanistët, me inxhinierët; të martën në bllokun tjetër, dhe në qoftë se të gjithë njerëzit sqarohen, siç jemi sqaruar këto ditë me njerëzillik, do të gjejmë gjuhën e përbashkët. Ambicia jonë për këtë qytet është që asnjë të mos jetë i humbur. Politikanët që s’dinë me bo atë që duhet le të humbasin, por nga populli asnjë s’duhet të jetë i humbur. Kështu që gjeni sot një formulë dhe një bashkëpunim për të mos humbur asnjeri. Kush ka nevojë për banesa sociale, kush ka nevojë për lekët për shpronësim, kush ka pronë dhe do ta zhvillojë bujrum në Bashkinë e Tiranës”, tha Veliaj.
Ai bëri dhe një premtim tundues, që banesat sociale do jenë të gjithmonshme.
“Bonusi i qirasë cash është 3 vjet, po edhe atë mund ta rrisim, po banesa sociale gjithë jetën. Do të thotë që jemi përgatitur që për të gjithë këtë kategori si dy shtëpitë që u prishën mbrëmë, si dy shtëpitë që u prishën sot në mëngjes, si dy shtëpitë që do të prishen tani në drekë që hyjnë te kategoria që as kishin bërë letra legalizimi, as kishin certifikatë pronësie, as kanë thjesht me fut kokën diku, sot e kanë fut kokën në një vend shumë më të mirë, me punonjëse sociale, me mensë sociale, me restorant, me të gjithë shërbimet që iu ofron në atë zonë”, shtoi kryebashkiaku.
Ç’prej kur nisëm protestat, kjo ishte hera që vihej një komunikim mes protestuesve dhe qeverisjes. /tesheshi.com/
