Në gjysmën e dytë të kongresit elektoral të PS-së, zhvilluar jo në sallë por në shesh, kryeministri Rama konfirmoi Erjon Veliajn si kandidat për kryeqytetin edhe për një tjetër mandat. Duke rradhitur transformimet e Tiranës në katër vite me Veliajn, Rama tha se ishte pikërisht Erjoni ai që e rifuti kryeqytetin në udhën e shpresës.
“Ju kam thënë: na jepni një mandat për Tiranën, dhe me PS dhe Erionin do ta rizgjojmë qytetin e zhytur në gërhimat e Lulzimit. Duke e rikthyer në vitet 2000 kur Tirana u bë qytet i shpresës por u mor peng nga armiqtë e betuar të shpresës”, tha Rama.
Ndërsa Veliaj bëri dy përbetime, atë mbi Teatrin e ri e mbi “Astirin”, dy fronte kundër tij, duke thënë se do mund të triumfonte.
“Do fitojmë në Astir dhe do të kemi një unazë moderne. Do të kemi një kopsht zoologjik kombëtar. Do kemi një teatër të ri kombëtar që zëvëndëson një karakatinë 100-vjeçare“, u shpreh Veliaj, duke konfirmuar dhe raportet e tij të ngushta me shefin e qeverisë.
“Shumë nga kundërshtarët tanë përpara se të bënin vetëvrasje nisën të thonë se unë dhe Edi Rama nuk i kemi punët mirë, por ne jemi më bashkë se kurrë për të ccuar përpara Tiranën dhe Shqipërinë”, deklaroi Veliaj. /tesheshi.com/
