Festat e fundvitit e kanë rikthyer kryebashkiakun, Erion Veliaj në gjimnazin “Qemal Stafa” në një darkë me mësuesit e kësaj shkolle. Ai e cilësoi pozitiv vlerësimin që Programi Ndërkombëtar për Vlerësimin e Njohurive të Nxënësve (PISA) i bën reformave të ndërmarra në arsim, megjthatë theksoi edhe faktin se në shumë raste mësuesit t marrin rolin e familjeve për të mësuar rolin e një qytetari të denjë e të civilizuar.
“Roli juaj në Tiranë nuk krahasohet me askënd tjetër. Në sfidat që ka një qytet, nuk di kush është aleat më i mirë, se sa një mësues për një kryetar bashkie, sepse aty mësohet ku hidhen mbeturinat, si trajtohet njeriu në humbje apo në fitore. Të mësojmë të humbasim me dinjitet, por dhe të fitojmë me përulësi, janë disa nga gjërat e karakterit që fatkeqësisht nuk bruhen në shumicën e familjeve tona dhe për të cilat kemi shumë nevojë në klasë”, theksoi Veliaj.
Po ashtu, ai përshëndeti vendimin e qeverisë për kalimin në pronësi të Qendrës Ndërkombëtare të Kulturës “Arbnori”, e njohur si Piramida, nga Ministria e Kulturës te bashkia e kryeqytetit.
Kjo godinë do të përdoret si qendër shumëfunksionale për organizimin e eventeve sociale e rinore, promovimin e artit, të kulturës dhe të teknologjisë./tesheshi.com/
