Qyteti i rrënuar i Amatriçes në Italinë qendrore për shkak të një tërmeti, ngjarje e ndodhur javë më parë ku humbi jetën dhe një emigrant shqiptar, është vizituar së fundi dhe nga kreu i Bashkisë së Tiranës, Erion Veliaj.
Pasi pa nga afër pasojat e tragjedisë, si dhe u interesua për familjet shqiptare aty, Veliaj i premtoi ndihmë qytetit duke folur me të parin e vendit, kryetarin e komunes, Sergio Pirozzi.
Ndihma nuk është detajuar se në ç’terma do jetë, por Veliaj shkruajti në twitter se është aty për solidaritet dhe inkurajim.
Kujtojmë që Veliaj, para se t’i hyjë politikës ka qenë për shumë vite aktivist humanitar nëpër disa vende të botës. Ai ishte dhe në Aceh të Indonezisë, pas tcunamit me përmasa katastrofale të vitit 2004. /tesheshi.com/
