Kryebashkiaku i Tiranës, Erion Veliaj reagoi ashpër pas përplasjes që ndodhi sot te liqeni.
Veliaj vizitoi në spital punonjësin e policisë bashkiake të plagosur. Ai i quajti protestuesit tufë delirantësh që nuk kanë arritur asgjë në jetën e tyre dhe se përdorimi i dhunës e diskretitoi totalisht këtë kauzë.
“Dritani i plagosur është realisht një aktivist i shoqërisë civile dhe ky është njeriu që realisht e nderon qytetin. Ky është një aktivist i vërtetë. Sot pamë një protestë që mund të ishte realisht një protestë e shoqërisë civile dhe s’kishte arsye për një protestë të dhunshme.
Unë vij nga shoqëria civile. Askush prej nesh nuk ka përdorur dhunë për të avancuar për kauzën e vet.
Gjithmonë kemi përdorur mjetet ligjore. Besoj ata që dhunuan Tanin duhet të ndjehen të turpëruar dhe duhet të ndihen të mbuluar nga turpi teksa kthehen në shtëpi kur Tani është në spital. Nuk besoj në një qytet që duhet të përdorur dhunën për të bërë të ditur pretendimet që ka. Ne e kemi ftuar shoqërinë civile të vijë në Bashki dhe kemi bërë tre raunde negociatash me tregtarët”, tha Veliaj.
/tesheshi/
