Kryebashkiaku i Tiranës, Erion Veliaj i cili tashmë po shfaqet në krah të kryeministrit Rama në negociatat politike, deklaroi se zgjedhjet parlamentare do të zhvillohen më 18 qershor, dhe se ata që do të mungojnë, ashtu si edhe në mësim, marrin katër. Komentet vijnë nga inagurimi i shkollës “Luigj Gurakuqi” ku Veliaj ka pasur sërish në krah kryeministrin Rama. Ky i fundit, theksoi se Shqipëria ka nevojë për punë e jo për politikë.
“Më vjen shumë mirë që për shkak të reformave, përtej politikës që zhvillohet në një katund politik e mediatik me 800 banorë, Shqipëria tjetër është tjetër dhe nuk ka nevojë për këto”, tha Rama.
Kryeministri iu referua punëve të fundit të bashkisë në shkolla dhe në Pazarin e Ri për të thënë se çfarë duhet të zgjedhin qytetarët. /tesheshi.com/
