SPAK i është afruar dhe më tej pushtetit me hetimet e tij: mbërrin te vetë Erjon Veliaj, një lloj Edi Rama nr. 2 i qeverisjes socialiste, kryebashkiak i plotfuqishëm i Tiranës.
Në një reagim, SPAK thotë se“Prokuroria e Posaçme kundër Korrupsionit dhe Krimit të Organizuar informon se janë ndërmarrë disa veprime hetimore në kuadër të një procedimi penal. Duke qenë se hetimi ndodhet ende në fazën paraprake nuk mund të publikojmë të dhëna apo informacion të mëtejshëm në këtë moment”.
Kujtojmë disa drejtorë të fuqishëm të Bashkisë kryeqytetase, vartës të Veliajt, janë në burg për të ashtuquajturën “Afera 5D”.
Përflitet mediatikisht se gjatë kontrollit në banesën e kryebashkiakut të Tiranës, agjentët e BKH kanë sekuestruar një aparat telefonik të bashkëshortes së tij Ajola Xoxa.
Burime jo zyrtare bëjnë me dije se kontrolli është për llogari të hetimit pasuror që po zhvillohet ndaj kryebashkiakut.
Ndërkohë, vetë Veliaj ndodhet në Hamburg të Gjermanisë, për një vizitë dy ditore. /tesheshi.com/
