Edhe pse fierak, aktori i mirënjohur për dhjetëra role në kinematografi dhe në teatër, Luftar Paja u ndërua me titullin “Simbol i Qytetit” nga kryetari i Bashkisë së Tiranës, Erion Veliaj.
Nëse ka një shembull që përshkuan më mirë se çfarë do të thotë t’i bësh gjërat me ndershmëri, sakrificë, punë, duke u rrëzuar, duke u ngritur, 700 role në CV, dhe besoj që është në nderin e qytetit tonë, të të konsiderojë simbol të qytetit. Të falenderojmë me gjithë zemër për gjithë frymëzimin dhe dashurinë që na ke dhuruar”, tha Veliaj.
Ndërsa Paja i madh – pasi është dhe “Paja junior”, Gazi – tha se ndihej tejet i vlerësuar për nderimin që po i bëhej. “Ndihem tepër i vlerësuar për nderin që m’u bë. Po ashtu, ndihem edhe shumë i emocionuar sepse ma jep këtë dekoratë një njeri, i cili është një talent, është një njeri vital që po ia kthen faqen Tiranës sonë të bukur. Prandaj, të uroj gjithë të mirat! Vazhdo kështu siç e ke, dhe ne, mua me shokët e mi, do të na kesh deri në frymën e fundit. Suksese gjithë stafit tënd dhe paçi gjithmonë mrekullira dhe bukurira!”,
Luftar Paja dhe i biri, Gazmendi, janë rreshtuar hapur “pro” të majtës në protagonizimin e tyre publik tejartistik vitet e fundit. I pari ka dhënë heraherës prononcime anti-Berisha në media, ndërsa i dyti është angazhuar dhe në aktivitete politike të PS-së. /tesheshi.com/
