Shkolla “Kosova”, një prej institucioneve simbol të arsimit në Tiranë, pritet të rikthehet në vatër të dijes.
Bashkia ka nisur puna me intensitet për hapjen e themeleve të kësaj shkolle, e cila pritet të jetë tre herë më e madhe se ish-godina e saj, që u dogj disa vjet më parë.
“Më në fund… Vapa vapë, por po hidhen themelet e shkollës së re Kosova! Pas shumë vitesh rikthehet një prej institucioneve legjendë të Tiranës”, shkruan Veliaj në rrjetet sociale, duke e shoqëruar komentin me foto nga punimet që po kryen.
Shkolla 9-të vjeçare Kosova do të jetë me 4 kate në total, 3 mbi tokë dhe një nëntokë, ku do të vendosen biblioteka, një sallë leximi, si dhe zona për ruajtjen e librave. Gjithashtu, disa ambiente të shkollës, si auditoriumi, do të jenë edhe në shërbim të komunitetit. /tesheshi.com/
