Degradimi i Piramidës në qendër të Tiranës do të marrë fund dhe ajo ngrehinë simbol do këtë më në fund një funksion final: të rinjtë.
Kjo është vendosur gjatë një marrëveshjeje mes Bashkisë së Tiranës dhe Fondacionit Shqiptaro-Amerikan të Zhvillimit (AADF).
“Hedhim hapin e parë zyrtar për formalizimin e një marrëveshje midis Bashkisë Tiranës dhe AADF për të transformuar Piramidën e Tiranës, ndërtesën më ikonike të qytetit tonë, në qendrën më të madhe për të rinjtë, kryesisht e fokusuar në arsimimin digjital, në kulturën e teknologjisë së informacionit dhe në funksion të artit, kulturës dhe kurseve profesionale apo hapësirave të tjera rinore”, theksoi kreu i Bashkisë, Erjon Veliaj.
Ky i fundit saqroi se Bashkia është duke biseduar me disa nga studiot më të mira të arkitektëve dhe brenda majit do të bëhet edhe prezantimi publik i asaj që do të ndodhë me Piramidën.
E ndërtuar në fundin e viteve ’80 si Muze i Enver Hoxhës, Piramida ka shërbyer për shumë funksione të tjera pas ’90 për të cilat gjithnjë ka patur debate se për ç’duhet të shërbejë në finale. Ndërkohë, gjatë kohës së qeverisjes së Berishës, ky i fundit hodhi dhe idenë e shembjes me pretendimin se aty gjendej fantazma e komunizmit. /tesheshi.com/
