Në Këshillin Bashkiak të Tiranës u miratua rritja e çmimit të ujit me 20 lekë m/kubi, si pjesë e projektit për sigurimin e furnizimit me 24 orë, që, sipas një planbiznesi të hartuar nga bashkia, do sigurojë për 5 vite falë investimeve të fuqishme.
“Të shpëtojmë nga pompa që është kosto më vete, të shpëtojmë nga blerja e ujit në markete që është kosto më vete, të shpëtojmë nga të gjitha ato shpenzime, energjia elektrike për të përdorur pompën. Të gjitha këto janë kosto, sepse njerëzit mendojnë se kosto është vetëm fatura e UKT”, tha kryetari Veliaj.
Rritja e çmimit të ujit është kundërshtuar ashpër nga opozita, këshilltarët e së cilës bijkotuan mbledhjen. Ndërsa ata të LSI-së votuan pro, pasi kryetari Veliaj u pranoi dy propozime të vëna si kushtëzime. /tesheshi.com/
