Politika ka marrë pozicionet e saj në atmosferën e 1 Qershorit, festës së fëmijëve, duke mos ngurruar ta “ndyjnë” më politikë dhe këtë ditë. Veçojnë kryebashkiaku Veliaj e gruaja në krye të LSI-së, Monika Kryemadhi.
Kjo e fundit e ka lidhur drejtpërsëdrejti kauzën opozitare me botën e fëmijëve.
“1 Qershori është dita kur jeta merr kuptimin real, kur gjithsecili nga ne kupton se ia vlen të luftosh deri në fund, për të ardhmen e asaj pjese të shoqërisë që me sinqeritetin më të madh meriton mbështetje, siguri dhe dashuri të pakursyer!
Sot është dita e parë e muajit, nuk e di se si e kanë mbyllur muajin që lamë pas 300,000 mijë familje shqiptare të cilat jetojnë me vetëm 5 dollarë në ditë. A e kanë pasur të mundur ti blejnë një dhuratë sa do të vogël fëmijëve për t’i sjellë një shkëlqim lumturie në sytë e tyre?
Është dita e fëmijëve që na kujton se sa pak kemi kthyer sytë nga realiteti, sa kemi gabuar për t’i besuar njerëzve që abuzojnë çdo ditë në emër të tyre. Kemi lejuar dhe kemi qenë dëshmitarë të dhunës së ushtruar ndaj fëmijëve tanë, të nxjerrjes nga shtëpitë me dhunë të dhjetëra fëmijëve te ‘Astiri’, ‘Bregu i Lumit’ dhe në gjithë Shqipërinë. Lejuam të hidhej gaz mbi fytyrat e ëmbëla të dhjetra fëmijëve në protestë, duke u përballur me urrejtjen e këtij pushteti të krijuar nga ne!”, shkruan Kryemadhi.
Por pas saj, ka qenë Veliaj ai që me një fëmijë në krah, i ka “treguan vendin” opozitës.
“Iku koha ku për ideal të partive shkatërroheshin idealet e njerëzve. Këtë duhet ta bëjmë të gjithë bashkë. Për këtë muaj fushate ne do futemi. Data 30 nuk është që partitë të zgjedhin popullin por që populli të zgjedhë partitë. Nëse themi se i duam fëmijet të mendojmë pak më shumë për ta se për partitë”, deklaroi Veliaj. /tesheshi.com/
