Një darkë mes kreut të Bashkisë së Tiranës, Erion Veliajt dhe kreut të Prokurorisë së Tiranës ka alarmuar opozitën.
Ka qenë Enkelejd Alibeaj që ka ngritur shqetësimin se kjo darkë nuk është e tillë por një aferë për të mbyllur çështjen e Erion Veliajt në lidhje me vdekjen e një minoreni në Sharrë.
“Erjon Veliaj ka të paktën tre kallëzime penale në organin e akuzës, për ndërtim pa leje, shpërdorim detyre që solli si pasojë vdekjen e 17 vjecarit Ardit Gjoklaj, dhe falsifikim firme, e provuar tashmë dhe e pranuar nga vetë ai, e megjithatë, shqiptarët e shohin kryetarin e bashkisë së Tiranës, herë si dasmor të prokurorit të Tiranës, herë si mik drekash e darkash në restorante. Ndërkohë që dosjet presin në prokurori, Erjon Veliaj jo vetëm nuk hetohet, por shpallet mik special i kryeprokurorit të Tiranës”, tha Alibeaj.
Dhe në fakt, në këtë denoncim të PD-së ka një qëndrim normal. Një kryetar bashkie dhe një kryeprokuror (bëhet fjalë për Petrit Fushën), mund të darkojnë si çdokush, por nëse bëhet fjalë për një çështje në hetim atëherë ata duhet të kenë parasysh se nuk të privuar për të qenë të zakonshëm dhe për të darkuar si të tillë. /tesheshi.com/
