Kryebashkiaku Erion Veliaj thotë se projekti i bulevardit të ri të Tiranës do të kthehet në variantin e tij fillestar, e kjo do të thotë se zona e Lumit dhe pjesa ku ishte planifikuar bulevardi do të kthehen në zona rezidenciale dhe tregtare.
Gjatë inspektimit të nisjes së punimeve në zonën e Lumit të Tiranës, Veliaj sqaroi edhe projektet e bashkisë për këtë zonë, duke konfirmuar se nuk do të vijohet me projektin e ish-kryebashkiakut Basha.
“Po negociojmë me kompaninë britanike për t’u kthyer në idenë origjinale për bulevardin, e cila nënkupton një park qëndror në mes të zonës”, tha kreu i ri i bashkisë së kryeqytetit, Erion Veliaj.
Ai garantoi ndër të tjera se brenda mandatit të parë kjo zonë do të kthehet ndër më të lakmuarat në kryeqytet. /tesheshi.com/
