Kryebashkiaku i Tiranës, Erion Veliaj, ka zgjedhur dhe të ironizojë paksa protestuesit e opozitës të cilët një ditë më parë shkulën rrethimin e kantierit ku po ngrihet një park lojrash për fëmijë, e po ashtu protestuan para Bashkisë për mosndërtimin e asaj vepre, e shoqëruar kjo dhe me gjuajtje me domate.
“Protestuesit zbritën në Tiranë dhe pyetën njerëzit se ku ishte liqeni”., tha Veliaj, duke shtuar se “ata po kërkonin dhe se ku është trageti”, duke bërë kështu lidhjen me liqenin e Fierzës në veri, aty ku rruga për në Tropojë bëhet me traget.
Veliaj tha sakaq se aty nuk do të ketë as kafe e as restorant. “Më 1 qershor kur të inagurohet, une do jap dorëheqjen nëse aty do ketë kafe apo restorant”, tha kreu i Bashkisë së Tiranës, duke nënvizuar se dhuna nuk është mënyrë komunikimi. Komentet e tij u bënë gjatë prezantimit të planit urbanistik të Tiranës. /tesheshi.com/
