Kreu i Bashkisë së Tiranës, Erion Veliaj ka bërë me dije se sheshi “Skënderbej”, i shndërruar tashmë në tërësisht pedonal, do hapet me datë 10 qershor. Sipas tij, banorët e kryeqytetit e jo vetëm, do përballen me një befasi të këndshme.
“Sheshi ka dalë shumë bukur, këtë javë do testojmë shatërvanët, të shikojmë sa mirë funksionojnë. Kemi mbjellë shumë pemë rreth e rrotull, do ketë një pjesë me hije me pemë, një pjesë e kemi bërë vetëm me ullinj, një pjesë e kemi bërë vetëm me pemë frutore, portokalle, limon, fiq. Vend fantastik nëse keni biçikletë, patina, është e pjerrët po të hipësh në majë”, tha Veliaj.
Kujtojmë që një vit më parë, Veliaj hasi në protesta të shoqërisë civile dhe të opozitës gjithashtu, në lidhje me ndërtimin e një parku lodrash tek Kodrat e Liqenit. Edhe për sheshin ai paralajmëroi reagime, gjë që në fakt nuk ndodhi.
Rikonstruksioni i sheshit “Skënderbej”, një simbol i hapësirave shqiptare, vepër e arkitektëve italianë të kohës së Zogut, u nis që në vitin 2010 nga Rama, atë kohë kryetar bashkie, por që u ndërpre nga Basha në 2001-ën. Ishte Veliaj ai që e rihapi si kantier për të përfunduar atë që la Rama në mes. /tesheshi.com/
