Vejusha e Sllobodan Millosheviçit, Mira Markoviç refuzoi t’i shesë vilën e saj biznesmenit shqiptar që jeton në Beograd, Qazim Osmani.
Biznesmeni Osmani i cili njihet me nofkën Felix, që është një nga emrat më të kuotuar të shtypit rozë për shkak të lidhjeve me femrat më të bukura të showbizit serb, e ka kërkuar prej kohësh vilën e Millosheviçit, e cila ndodhet në një zonë Luksoze të Beogradit.
Siç bën të ditur Presheva Jonë, Markoviç heziton ta shesë pas proiesioneve që ka pasur nga klani Milosheviç pasi siç mësohet do të godiste imazhin. Osmani ka shkuar së bashku me ish-ministrin serb të Infrastrukturës, një nga drejtuesit e Partisë Socialiste serbe në shtëpinë e Markoviçcit. Felixi ka ofruar 3.5 milonë euro për blerjen e vilës së Sllobos.
Biznesmeni Osmani, i cili është akuzuar si trafikant droge por që ka dalë palagur nga përballja me drejtësinë ka theksuar se kishte ndërmend që vilën e Millosgheviçit ta kthente në një muze të genocidit serb.
Mira Markoviç ndodhet në Rusi, e mbrojtur nga Moska pas akuzave ndaj saj për krime kundër njerëzimit.
Vujusha e Sllobos ka kërkuar 4.200.000 €. Vila, e cila është ndërtuar në vitin 2000, ka 10 dhoma gjumi, gjashtë banjo, dy dhoma e pritjes dhe dy sallone dhe një ashensor. Ajo është e ndarë në katër nivele – katin e poshtëm përdhes, kati i parë, kati i dytë dhe papafingo, në nevojë për rinovim.
