Veçantia e ishullit Jeju, i shpallur një nga 7 mrekullitë natyrore

130 kilometra në jug të gadishullit korean, gjendet Ishulli Jeju, i cili  është ishulli më i madh dhe provinca më e vogël në Korenë e Jugut.

Në këtë ishull gjendet maja më e lartë e malit në Korenë e Jugut, e njohur si Hallasan dhe  vullkani i fjetur, i cili ngrihet 1950 metra mbi nivelin e detit.

Ky ishull i bukur konsiderohet si çudi e shumëfishtë natyrore, sepse  është i mbrojtur nga UNESCO, si  pjesë e trashëgimisë botërore, Gjeopark Global dhe  Rezervat i Biosferës; në vitin 2011 është shpallur një nga 7 Mrekullitë Natyrore të Botës.

Nga viti 1966 është gjithashtu Park Kombëtar dhe së fundi, Jeju është i njohur edhe si Ishulli i Dashurisë, kryesisht për shkak të parkut tematik dedikuar dashurisë, të njohur si Loveland.

Në këtë ishull gjenden edhe më shumë se 200 bimë autoktone, 33 specie endemike, 17 lloje gjitarësh, 8 lloje amfibesh, 198 lloje të zogjve dhe mbi 900 lloje të insekteve.

Ky ishull i quajtur shpesh edhe Ishulli i Perëndive, është një destinacion i ëndrrave për biologët, gjeologët dhe për të gjithë shkencëtarët e turistët kuriozë./tesheshi.com/